சர்க்கரை நோயாளிகள் கோடை காலத்தில் மாம்பழம் சாப்பிடலாமா?

சர்க்கரை நோயாளிகள் கோடை காலத்தில் மாம்பழம் சாப்பிடலாமா: கோடைகாலம் மாம்பழத்தின்  இனிய சுவை இல்லாமல்  நிச்சயமாக முழுமையடையாது அதன்  பிரகாசமான  மஞ்சள்  நிறம், சாறுமிகு தனித்துவமான சுவை  மற்றும் வெப்பமண்டல சூழல் காரணமாக  மாம்பழம் பலரின் விருப்பமான  பழமாகும். ஆனால் சர்க்கரை நோயாளிகள் இந்த  கோடை காலத்தில்  மாம்பழம்  சாப்பிட்டால், அது அவர்களின்  இரத்த சர்க்கரை அளவுக்கு  பாதிப்பு ஏற்படுத்துமா என்ற சந்தேகம் இருப்பது இயல்பு. ஆனால், சரியான திட்டமிடல் மற்றும் அளவுகளை கவனித்தால், நீரிழிவு நோயாளிகளும் மாம்பழத்தை பாதுகாப்பாக ரசித்து சாப்பிட முடியும். இந்த பதிவில், சர்க்கரை நோயாளிகள் கோடைகாலத்தில் மாம்பழம் எப்படி சாப்பிட வேண்டும், அவற்றின் ஊட்டச்சத்து மதிப்புகள் மற்றும்  பாதுகாப்பான வழிகள் பற்றிய முழுமையான  தகவல்களை வழங்கியுள்ளோம்.

மாம்பழத்தின்  ஊட்டச்சத்து மதிப்புகள்:

• வைட்டமின் C – உடலின் நோயெதிர்ப்பு சக்தியை  மேம்படுத்துகிறது.
• வைட்டமின் A – கண் பார்வையும் தோல்  ஆரோக்கியத்தையும்  ஆதரிக்கிறது.
• நார்சத்து – செரிமானத்துக்கு உதவுகிறது.
• இயற்கை சர்க்கரை – பெரும்பாலும் ஃப்ருக்டோஸ்  மற்றும் குளுகோஸ்.

ஒரு நடுத்தர மாம்பழம்  (சுமார் 200–250 கிராம்) கொண்டிருக்கும்:

• 150 கலோரி
• 45 கிராம் சர்க்கரை
• 50 கிராம் கார்போஹைட்ரேட்
• 3 – 4 கிராம் நார்சத்து

நீரிழிவு நோயாளிகளுக்கு, சர்க்கரை மற்றும் கார்போஹைட்ரேட் அளவு  முக்கியமாக கவனிக்கப்பட வேண்டியவை ஆகும், ஏனெனில் அவை இரத்த சர்க்கரை அளவை அதிகரிக்க வாய்ப்பு உண்டு. ஆனால் மாம்பழத்தில் உள்ள நார்சத்து சரியான முறையில் மற்றும் அளவில் சாப்பிட்டால்  சர்க்கரை உறிஞ்சலை குறைக்க  உதவும்.

மாம்பழங்களை புரதம் அல்லது நல்ல கொழுப்புடன்  சேர்த்து சாப்பிடுங்கள்

மாம்பழங்களை தனியாக  சாப்பிடும்போது இரத்த  சர்க்கரையில் விரைவாக உயர்வு  ஏற்படலாம். அதனை தடுக்கும்  சிறந்த வழி, அவற்றை புரதம் அல்லது ஆரோக்கியமான கொழுப்புகளுடன் சேர்த்து  சாப்பிடுவதே.

சிறந்த இணைப்புகள்:

• மாம்பழ துண்டுகளுடன்  பாதாம், முந்திரி, வால்நட் 
• தயிர் கலந்த மாம்பழ துண்டுகள்
• சியா விதைகள் அல்லது ஆளி  விதைகளுடன் கலந்த  மாம்பழ ஸ்மூத்தி(smoothie)

இவ்வாறு பிற உணவுகளுடன்  சேர்த்து சாப்பிடுவதால் இரத்த  சர்க்கரை உயர்வைக் கட்டுப்படுத்த முடியும்.

முழுப் பழங்களை தேர்வு செய்யுங்கள்  

முழு மாம்பழங்களை  சாப்பிடுவது, ஜூஸ் அல்லது கூழ் (porridge) வகைகளைவிட பாதுகாப்பானது. ஜூஸ் செய்யும் போது அதிலுள்ள நார்ச்சத்துகள்  நீங்கிவிடும், அதே நேரத்தில் சர்க்கரை அளவு  அதிகமாகிவிடும். இதனால் இரத்த சர்க்கரையில் திடீரென உயர்வு ஏற்படும் அபாயம் உள்ளது. எனவே  எப்போதும்  புதிய, முழுமையான மாம்பழங்களை  சாப்பிடுவதை  முன்னிலைப்படுத்துங்கள். ஜூஸ், மாம்பழ அல்வா மற்றும் பிற இனிப்புகளை  தவிர்த்துவிடுங்கள்.

மாம்பழம் சாப்பிட  சரியான நேரம் எது?

உடலின் இன்சுலின் உணர்வுத்திறன்  காலை மற்றும் மதியம் நேரங்களில் சிறப்பாக வேலை செய்கிறது. அதனால் அந்த நேரங்களில் சிறிதளவு மாம்பழம் சாப்பிடுவது இரத்தைச் சர்க்கரை அளவை  கட்டுப்பாட்டில் வைக்க  உதவுகிறது.

சாப்பிட ஏற்ற நேரங்கள்:

• காலை உணவோடு
• காலை இடைவேளையில்
• மதியத்திற்கு முந்தைய  நேரத்தில்

தவிர்க்க வேண்டிய நேரம்:

• இரவு (உடலின் செயல்பாடு  குறைவாக இருக்கும், சர்க்கரை அளவு அதிகரிக்கும்  வாய்ப்புகள் அதிகம்)

நீங்கள் மாம்பழத்தை உணவில்  புதிதாக சேர்க்கும்போது, உணவுக்குப் பிறகு இரத்தச் சர்க்கரை அளவை பரிசோதிப்பது  ஒரு நல்ல பழக்கமாகும்.

ஏன் பரிசோதனை  அவசியம்?

• மாம்பழம் சாப்பிட்ட பிறகு 1–2 மணி நேரத்தில் உங்கள் இரத்தச் சர்க்கரையை சரிபாருங்கள்.
• உங்கள் உடல் எப்படி எடுத்துக்கொள்கிறது  என்பதை இதன் மூலம் புரிந்து கொள்ள  முடியும்.
• அதிகமாக சர்க்கரை  உயர்வது தெரிந்தால், அடுத்த முறை சாப்பிடும் அளவைக்  குறைக்கலாம்.
• ஒவ்வொரு நபருடைய உடல் தன்மையும் வேறுபடும், எனவே உங்கள் உடல் எப்படி வேலை செய்கிறது என்பதை  கவனித்து அதன்படி உண்பது மிகவும் முக்கியம்.

சாப்பாட்டுக்குப் பிறகு சுறுசுறுப்பாக  இருங்கள்!

உணவுக்குப் பிறகு சற்று  சுறுசுறுப்பாக இருப்பது, குறிப்பாக மாம்பழம் சாப்பிட்ட  பிறகு, இரத்தச் சர்க்கரை அளவைக் கட்டுப்படுத்த  உதவுகிறது.

எளிய செயல்கள்:

• 10–15 நிமிடங்கள் நடைபயிற்சி.
• லேசான ஸ்டிரெச்சிங் (stretching)அல்லது வீட்டு  வேலைகள்.

இந்த சிறிய முயற்சிகள்  உங்கள்  தசைகள்  இரத்தத்திலிருந்து  சர்க்கரையை  உறிஞ்சுவதில்  உதவுவதால், அதிக சர்க்கரை ஏற்றம் தடுக்கப்படுகிறது.

இவாறான சிறிய மாற்றங்களும், சீரான நடைமுறைகளும் நீரிழிவு கட்டுப்பாட்டிற்கு பெரிய பலனை தரும்.

நீரிழிவு மருத்துவர் அல்லது  உணவியல் நிபுணருடன்  ஆலோசனை 

நீங்கள் மாம்பழம் போன்ற பழங்களை  உங்கள் உணவுத் திட்டத்தில் சேர்க்க விரும்பும்போது, முதலில் உங்கள் நீரிழிவு  மருத்துவர் அல்லது உணவியல் நிபுணரிடம் ஆலோசனை பெறுவது மிக  முக்கியம்.

• உங்கள் உடல் நிலையைப் பொருத்து,  எவ்வளவு அளவில் சாப்பிடலாம் என்பதை அவர்கள் சரியாக அறிவுறுத்துவார்கள்.
• மாம்பழத்தை எப்போது  சாப்பிடலாம், எவ்வளவு அளவுக்கு சாப்பிடலாம்  என்பதுடன், அதை எத்தகைய  உணவுகளுடன் சேர்த்தால்  சர்க்கரை  நிலை  கட்டுப்பாட்டில்  இருக்கும் என்பதை அவர்கள் உங்களுக்காகத்  திட்டமிடுவார்கள்.
• தேவையானால் உங்கள்  மருந்து அளவுகளையும்  உங்கள் தேவைக்கு ஏற்ப  மாற்றி  அமைக்கலாம்.

பயனுள்ள ஆலோசனை உங்கள்  விருப்ப உணவுகளையும்  சுகாதாரத்தையும்  சமநிலைப்படுத்த உதவும்.

முடிவாக,

நீரிழிவு நோயாளிகள்  மாம்பழத்தை  சீரான அளவில்  தங்கள் மருத்துவர்  பரிந்துரைக்கும் அளவில் உணவில்  சேர்க்கலாம். முறையான அளவு எடுத்துக்கொண்டு இரத்த சர்க்கரை அளவை கண்காணித்தால், மாம்பழத்தின் இனிப்பை பயமின்றி அனுபவிக்க முடியும். இந்த கோடைகாலத்தில், மாம்பழம்  உங்கள் சந்தோஷத்தை அதிகரிக்கட்டும்.

ஈரோடு டயாபடீஸ்  பௌண்டேஷன் மற்றும் MMCH-ல், கோடை காலத்தில், குறிப்பாக மாம்பழம் போன்ற பழங்களை  சாப்பிடும் போது நீரிழிவு  நோயாளிகள்  பாதுகாப்பாக தேர்வுகளை  செய்ய  உதவுகிறோம். எங்கள்  குழு  எளிதில்  பின்பற்றக் கூடிய ஆலோசனைகள் மற்றும்  பராமரிப்பு திட்டங்களை வழங்கி, உங்கள் இரத்த சர்க்கரை நிலையை  எப்போதும்  கட்டுக்குள்  வைத்திருக்க  உதவுகிறோம். இந்த கோடையில் எந்த பழங்கள்  உங்களுக்கு பொருந்தும் என்று  தெரியவில்லை  என்றால், உடனே எங்களை அணுகி  தெளிவான, எளிய  வழிகாட்டுதல்களைப் பெறுங்கள்.