ஒரு நாள் முழுவதும் சுறுசுறுப்பாக இருக்க என்ன தேவை என்று நீங்கள் நினைக்கிறீர்கள்? உண்மையில், உடலுக்கு தேவையானது சரியான சத்துகள் தான். அதில் மிகவும் முக்கியமான ஒன்று நார்ச்சத்து நிறைந்த உணவுகள்.
பல நேரங்களில் நாம் சாப்பிடும் உணவு வயிற்றை மட்டும் நிரப்பும். ஆனால் உடலுக்கு தேவையான சத்துகளை முழுமையாக தராது. அதனால் தான் சில நேரங்களில் சோர்வு, செரிமான சிக்கல், அல்லது அடிக்கடி பசி போன்ற பிரச்சினைகள் ஏற்படுகின்றன.
அதனால் தான் ஆரோக்கிய நிபுணர்கள் தினசரி உணவில் காய்கறிகள், பழங்கள் மற்றும் முழுத்தானியங்களை சேர்க்க வேண்டும் என்று பரிந்துரைக்கிறார்கள்.
நார்ச்சத்து நிறைந்த உணவுகள் ஏன் முக்கியம்?
நார்ச்சத்து உடலுக்குள் மிகவும் அமைதியாக வேலை செய்யும் ஒரு சத்து உள்ள உணவு. அது செரிமானத்தை சீராக வைத்திருக்க உதவுகிறது.
நார்ச்சத்து நிறைந்த உணவுகள் குடல் ஆரோக்கியத்தை மேம்படுத்தி நல்ல பாக்டீரியாக்களின் (Gut microbiota)வளர்ச்சிக்கு உதவுகிறது. சரியான நார்ச்சத்து உட்கொள்ளுதல் செரிமானத்தை சீராக வைத்திருக்க முக்கிய பங்கு வகிக்கிறது
இதனால் உடல் எடையை கட்டுப்படுத்தவும் உதவுகிறது. அதோடு இரத்த சர்க்கரை திடீரென அதிகரிக்காமல் இருக்கவும் உதவுகிறது. அதனால் தான் நார்ச்சத்து நிறைந்த உணவுகள் ஆரோக்கியமான வாழ்க்கைக்கு மிகவும் முக்கியமானவை.
நம்முடைய வீட்டிலேயே இருக்கும் நல்ல உணவுகள்
சிறந்த விஷயம் என்ன தெரியுமா? நார்ச்சத்து பெறுவதற்கு விலையுயர்ந்த உணவுகள் தேவையில்லை.
நம்முடைய சமையலறையிலேயே பல நல்ல தேர்வுகள் உள்ளன:
● கீரை வகைகள்
● காரட் மற்றும் பீன்ஸ்
● ராகி, கம்பு போன்ற முழுத்தானியங்கள் மற்றும் சிறு தானியங்கள்
● ஆப்பிள், பப்பாளி, கொய்யா போன்ற பழங்கள்
இந்த உணவுகளை தினசரி உணவில் சேர்த்தால் உடலுக்கு தேவையான நார்ச்சத்து கிடைக்கும். அதனால் மருத்துவர்கள் அடிக்கடி நார்ச்சத்து நிறைந்த உணவுகள் சாப்பிட வேண்டும் என்று கூறுகிறார்கள்.
ஆரோக்கியமான உணவு பழக்கங்கள் குறித்து மக்களுக்கு விழிப்புணர்வு ஏற்படுத்துவதில் ஈரோடு நீரிழிவு அறக்கட்டளை முக்கிய பங்கு வகிக்கிறது. நீரிழிவு மற்றும் வாழ்க்கை முறையைப் பற்றிய பல பயனுள்ள தகவல்களை பகிர்ந்து வருகிறது.
சிறிய மாற்றம், பெரிய நன்மை
உங்கள் தினசரி உணவை ஒரு முறை நினைத்து பாருங்கள். இன்று உங்கள் தட்டில் ஒரு காய்கறி இருந்ததா? ஒரு பழம் இருந்ததா? இப்படிப்பட்ட சிறிய மாற்றங்கள் உடல் ஆரோக்கியத்தில் பெரிய மாற்றத்தை உருவாக்க முடியும்.
உங்கள் உணவு முறையில் சரியான மாற்றங்களை செய்ய விரும்பினால் அல்லது நீரிழிவு மேலாண்மை குறித்து நிபுணர் ஆலோசனை தேவைப்பட்டால், நம்பகமான மருத்துவ வழிகாட்டலை பெறலாம். மேலும் ஆரோக்கிய தகவல்களுக்கு மற்றும் மருத்துவ ஆலோசனைக்கு erodediabetesfoundation.org இணையதளத்தை பார்வையிடுங்கள்.
